ہائیکورٹ نے عدالتی احکامات کی خلاف ورزی پر سیکرٹری بہبود آبادی پنجاب پر80 ہزار روپے ہرجانہ عائد کر دیا
لاہور(نامہ نگارخصوصی) لاہور ہائیکورٹ نے عدالتی احکامات کی خلاف ورزی پر سیکرٹری بہبود
آبادی پنجاب پر80ہزار روپے ہرجانہ عائد کر دیاہے۔مسٹر جسٹس محمد قاسم خان نے ہرجانے کا حکم 4مختلف مقدمات کی مشترکہ سماعت کرتے ہوئے جاری کیا ،رخواست گزاروں کے وکیل ملک اویس خالد نے موقف اختیار کیا کہ عدالتی حکم کے باوجود محکمہ بہبودی آبادی کے چندکنٹریکٹ سوشل موبلائزرز کو عہدوں پر مستقل کر کے درجنوں درخواست گزاروں کو نظر انداز کر دیا گیا۔
انہوں نے بتایا کہ 10سال سے کنٹریکٹ ملازمین کو مستقل نہ کیا جانا عدالتی احکامات کی خلاف ورزی اور بنیادی حقوق سے متصادم ہے۔عدالتی حکم کے باوجود سیکرٹری محکمہ بہبود آبادی کی جانب سے جواب داخل نہ کرانے پر عدالت نے 4 مقدمات میں سیکرٹری محکمہ بہبود آباد ی پر فی مقدمہ 20ہزار روپے ہرجانہ عائد کر دیاہے،عدالت نے کیس کی مزید سماعت 9 نومبر تک ملتوی کر دی۔
Comments
Post a Comment